عه‌شق

ئه‌م وشه‌یه‌ی‌ ده‌مهه‌ویست پێی‌ بگه‌م

ئه‌مڕۆ بۆ هه‌میشه‌ له‌ ده‌روونمدا نه‌یانهێشت

ئاخ دایه‌ گیان!

خۆزگه‌ یه‌ك جار له‌ ئامێزت بگرتبام

بۆ ئه‌وه‌ی‌ ئه‌مرۆ بتوانم تێر تێر بگریم

دایه‌ گیان بۆ جێت هێشتم؟!

نه‌یانهێشت بگه‌مه‌ لات، بۆنت بكه‌م و تێر تێر لات بگریم

ئێستاش فرمێسكه‌كانی‌ مناڵیم هه‌ر لا ماون و گڕووی‌ تۆیان گرتووه‌ و نایه‌نه‌ خوار

ئاخ دایه‌!

 ئه‌مرۆ زۆر پێویستم به‌ گریانه‌

ئه‌مرۆ بۆ یه‌ك وشه‌ خۆشه‌ویستیان له‌ ده‌روونمدا كوشت

ئه‌و خۆشه‌ویستییه‌ی‌ ئه‌یانوت: سۆزه‌، میهره‌بانییه‌، جوانییه‌، ژیانه‌، رۆژێكی‌ رووناكه‌، هه‌ستێكی‌ ئینسانییه‌

ویستم دایه‌ هه‌موو فرمێسكه‌كانم لای‌ ئه‌م هه‌سته‌ پیرۆزه‌ هه‌ڵڕێژم

به‌ڵام وانه‌بوو

چه‌ندین ساڵ چاوه‌روانی‌ عه‌شقێكی‌ راسته‌قینه‌ بووم

بۆ ئه‌وه‌ی‌ ماچی‌ هه‌تاهه‌تایی‌ خۆم بكه‌م

له‌گه‌ڵی‌ پێبكه‌نم

له‌گه‌ڵی‌ تێر فرمێسكه‌كانم هه‌ڵڕێژم

به‌ هه‌موو كه‌س بڵێم گه‌ر خۆشه‌ویستی‌ هه‌بێت

 هه‌موو رۆژێك ئه‌توانی‌ مانایه‌كی‌ جوان ببه‌خشی‌ به‌ ژیان

ده‌زانم دایه‌ ئێستا لام وه‌ستاویت

هه‌موو كات لام بویت، به‌ڵام نه‌توانیوه‌ له‌ ئامێزم بگریت

كه‌ ته‌نیا تۆ ئه‌زانیت كه‌ چه‌نده‌م هه‌وڵدا بۆ ئه‌م هه‌سته‌ پیرۆزه‌

به‌ڵام نه‌مزانی‌ خۆشه‌ویستی‌ ده‌بێته‌وه‌ یه‌ك وشه‌

هه‌موو جارێك پێیان ده‌گوتم: "خۆشه‌ویستی‌ به‌خشینه‌"

منیش ویستم ئه‌م به‌خشینه‌ بكه‌م و ئه‌م به‌خشینه‌ ببینم

ویستم هه‌ر له‌ناو ئه‌ودا بتوێمه‌وه‌

ئه‌م هه‌موو وشه‌ جوان‌و ره‌نگینانه‌ ته‌نها بۆ عه‌شق بوو

به‌ڵام ته‌نها ره‌نگێكی‌ جوانن و هیچی‌ تر

ئاخ! خۆزگه‌ بمتوانیبا گریابام

نه‌ك بۆ عه‌شق، بۆ ئه‌و عه‌شقه‌ی‌ له‌ ده‌روونمدا كوشتیان

به‌ڵام چیبكه‌م فرمێسكه‌كان نایه‌نه‌ خوار

ئاخ! نه‌رمه‌ با پاییزه‌كه‌ی‌ خۆم

تۆ وه‌ره‌ و هه‌ڵموه‌رێنه‌

ئارام‌

له‌ به‌ردێكی‌ ره‌قی‌ خودایی‌

هه‌راسم نییه‌

له‌ شه‌پۆلێكی‌ به‌هێزی‌ ده‌ریا

هه‌راسم نییه‌

له‌ درێژترین شه‌وی‌ ساڵ

هه‌راسم نییه‌

                                              له‌ ونبوونی‌ هه‌تا هه‌تایی‌      

هه‌راسم نییه‌

ته‌نیا  ته‌نیایی‌

ده‌مهه‌ژێنێ

ئارام‌

خۆرهه‌ڵات نیوز: قاله‌ مه‌ڕه‌، شمشاڵژه‌نی ئه‌فسانه‌یی و هونه‌رمه‌ندی نه‌ته‌وه‌یی كوردله‌ نه‌خۆشخانه‌ی بۆكان كۆچی دوایی كرد.

به‌ پێی هه‌واڵی هه‌واڵنێری خۆرهه‌ڵات نیوز له‌ بۆكانه‌وه‌، قادر عه‌بدوڵڵا زاده‌ ناسراو به‌ قاله‌ مه‌ڕه‌ كه‌ ماوه‌یه‌كی زۆر بوو به‌ هۆی نه‌خۆشی له‌ نه‌خۆشخانه‌ی بۆكان له‌ ژێر چاوه‌دێری دابوو، كاتژمێر 10:15ی شه‌وی پێنج شه‌ممه‌ له‌سه‌ر جومعه‌ 21/5/2009ی له‌ نه‌خۆشخانه‌ی بۆكان بۆ هه‌میشه‌ ماڵاوایی له‌ لایه‌نگرانی هونه‌ره‌كه‌ی كرد.

قاله‌مه‌ڕه‌ ساڵی‌ 1925 له‌ گوندی‌ كولیجه‌ی سه‌ر به‌ شاری بۆكان له‌ رۆژهه‌ڵاتی‌ كوردستان له‌ دایك بووه‌. چه‌پ گه‌ردی‌ گردوون وای‌ لێكردووه‌ كه‌ باوكی‌ نه‌بینێ‌ و دایكیشی‌ له‌ ته‌مه‌نی‌ 6 ساڵانیدا كۆچی‌ دوایی‌ بكا. هه‌ر وه‌ك خۆی‌ ده‌ڵێ‌ ته‌واوی‌ ژیانی‌ به‌ ناره‌حه‌تی‌ و برسێتی‌ و چاره‌ڕشی‌ تێپه‌ڕ كردووه‌. ساڵی‌ 1945-1946 په‌یوه‌ندی‌ به‌ كۆماری‌ مه‌هاباده‌وه‌ گرتووه‌ و دۆستایه‌تییه‌كی‌ نزیكیشی‌ له‌ گه‌ڵ‌ نه‌مران هه‌ژار و هێمن دا هه‌بووه‌

. له‌ دوای‌ له‌سێداره‌درانی‌ قازی‌ محه‌ممه‌دی‌ سه‌رۆك كۆمار، قاچاغ ده‌بێ‌ و هانا ده‌باته‌ ئه‌شكه‌وتی‌ گوڵاڵه‌، یان په‌نای‌ ده‌باته‌ ماڵی‌ عه‌باس ئاغای‌ سه‌ركه‌پكان و ئه‌حمه‌د ئاغای‌ كۆیه‌. ساڵانی‌ 1967-1968بۆته‌ هاوڕێی‌ شه‌هید مه‌لا ئاواره‌ و مه‌لامه‌حموودی‌ زه‌نگه‌نه‌ و شه‌هید سوله‌یمانی‌ موعینی‌. هه‌ر له‌و سه‌روبه‌نده‌دا ماڵیان ده‌چێته‌ ده‌ڤه‌ری‌ بۆكان.

تا ساڵی‌ 1985 هه‌ر به‌ سه‌ڵتی‌ ژیاوه‌ و خێزانی‌ پێكنه‌هێناوه‌. هونه‌رمه‌ند قاله‌مه‌ڕه‌ هه‌میشه‌ له‌ خه‌باتی‌ كورددا به‌شداری‌ كردووه‌ و هاوڕێ و هاوشانی‌ تێكۆشه‌ران بووه‌. تا سه‌رده‌مای‌ شۆرشی‌ گه‌لانی‌ ئێران واته‌ ساڵی‌ 1978 به‌ نهێنی‌ له‌گه‌ڵ‌ جووڵانه‌وه‌ی‌ كورد و حیزبی‌ دیموكراتی‌ كوردستانی‌ ئێراندا بووه‌.

 گرینگی‌ شمشاڵه‌كه‌ی‌ قاله‌مه‌ڕه‌ له‌ ئاستێك دایه‌ كه‌ پسپۆڕان و شاره‌زایانی‌ بواری‌ مۆسیقا نه‌ته‌نیا نه‌یانتوانیوه‌ خۆ له‌ هونه‌ره‌كه‌ی‌ لاده‌ن به‌ڵكوو ته‌نانه‌ت وه‌ك بلیمه‌تێك باسی‌ قاله‌مه‌ڕ ده‌كه‌ن. بۆ نموونه‌ مامۆستا ئه‌نوه‌ر قه‌ره‌داخی‌ سه‌باره‌ت به‌ قاله‌مه‌ڕه‌ ده‌ڵێ‌: په‌نجه‌كانی‌ مامه‌قاله‌ په‌نجه‌یه‌كی‌ كورتی‌ ره‌سه‌ن، په‌نجه‌یه‌كه‌ كه‌وا ئێمه‌ كه‌م كه‌س هه‌یه‌ به‌م شێوازه‌ بتوانین ده‌ستی‌ بۆ درێژ بكه‌ین زۆر پێویسته‌ ئێمه‌ به‌و په‌ڕی‌ رێزه‌وه‌ به‌و په‌ڕی‌ گه‌وره‌ییه‌وه‌ بڕوانینه‌ مامه‌ قاله‌ ته‌جره‌به‌ی‌ ژیانی‌ ئه‌و بكه‌ینه‌ نووسراوێك له‌ كتێبه‌كاندا بڵاوی‌ بكه‌ینه‌وه‌، نه‌وه‌كانی‌ داهاتوومان ده‌یان ماجسته‌رنامه‌ و دكتۆرا نامه‌ی‌ له‌ سه‌ری‌ بنووسن. هه‌روه‌ها مامۆستا ع.ج. سه‌گرمه‌ ش له‌ سه‌ر هونه‌ری‌ قاله‌كه‌ڕه‌ ئاوا ده‌بێژێت: قاله‌مه‌ڕه‌ شمشاڵ‌ژه‌نێكی‌ به‌توانا و لێهاتووه‌، شاره‌زاییه‌كی‌ زۆری‌ له‌ موزیكی‌ كوردی‌ دا هه‌یه‌ شاره‌زاییه‌كه‌ی‌ ده‌گه‌ڕێته‌وه‌ بۆ زیاتر له‌ نیو سه‌ده‌ ژه‌نینی‌ ئه‌و ئامێره‌. لووتكه‌ی‌ ژه‌نینی‌ ئامێری‌ شمشاڵ‌ له‌ موزیكی‌ كوردی‌دا له‌ ژه‌نینه‌كه‌ی‌ قاله‌مه‌ڕه‌ دایه‌..

قاله‌مه‌ره‌ له‌م ساڵانه‌ی دوایی دا له‌ گه‌لێك فستیوالی موزیك له‌ شاره‌ جۆراوجۆره‌كانی ئێران به‌شداری كردووه‌ و چه‌ندین خه‌ڵاتی گه‌وره‌ی وه‌رگرتووه‌.

ئه‌مرۆ خۆر هه‌ڵدێت

بۆ ئه‌وه‌ی‌ له‌سه‌ر لاشه‌ی‌ تفنگێك گوڵێك بروێ

‌ئه‌مرۆ خۆر هه‌ڵدێت

بۆ ئه‌وه‌ی‌ سنور نه‌مێنێت

ئه‌مرۆ خۆر هه‌ڵدێت

تا له‌ ناخی‌ هیچ كه‌سێكدا شه‌یتان نه‌بێت

ئه‌مرۆ خۆر هه‌ڵدێت

بۆ ئه‌وه‌ی‌ تۆ ئازاد بژیت.

ئارام

پاییزیش ره‌نگی‌ بهاری‌ گه‌رت

ساڵی2709ی کوردی له‌ هه‌موو لایه‌ک پیرۆز بێت

ئه‌وه‌ش نه‌ورۆزانه‌ی‌ من  پیشكه‌ش به‌ هه‌موو لایه‌ك

ئه‌مڕۆ بیستم پێش گزنگی‌ به‌یانی‌ تۆیان كوشت

ویستی‌ هه‌ر له‌مڕۆدا به‌ دیواره‌ پۆلاَینه‌كانی‌ ماڵی‌ خۆیان وهاوسێ‌ كه‌یان وشاره‌كه‌یان و

هه‌مو پیاوه‌ هه‌وه‌س بازه‌كانی‌ دنیاش كه‌ هیچ كات ئاشق نه‌بون بڵێت من ئاشقم

به‌لاَم چاوه‌كانی‌ هه‌ڵنه‌هات

ئه‌زانم كاتێك له‌ دیوی‌ دڵداری‌ جه‌سته‌ له‌ خوێن هه‌ڵ كێشراو هاتیته‌ ده‌ر، وه‌ك شه‌مشه‌مه‌

كوێرێك بویت.

تۆ ده‌زانێت! منیش باش ده‌زانم له‌ كه‌سیش شاراوه‌ نیه‌ چۆن بێبراوانه‌ به‌ ده‌ست برسێتی‌

سێكسییه‌وه‌ گیرت خواردوه‌ كه‌ چه‌نده‌ چڵێسیت كاتێك ده‌ڕوانیته‌ هه‌ر كه‌سێك له‌ ره‌گه‌زی‌

خۆت نه‌بێت كه‌ تۆو هاوڕێكانت چه‌نده‌ ناحه‌زو ناپه‌سه‌ند له‌مه‌ڕ سێكسه‌وه‌ بۆ یه‌كتری‌ ده‌گێرنه‌وه‌

كه‌ چ ئه‌ندێشه‌یه‌كی‌ پیس هه‌یه‌و چۆن هه‌مو دیمه‌نێكی‌ خۆشه‌ ویستی‌

به‌ چاوێكی‌ ڕوت وقوت ده‌بینیت

قه‌د گریان و ناڵه‌ی‌ ئه‌و كچ و ژنانه‌ت به‌ر گوێ‌ نه‌كه‌وتوه‌ كه‌ ژیانیان بۆته‌ دۆزه‌خ به‌ ده‌ست

ئه‌و پیاوانه‌وه‌ كه‌ هیچ كات ره‌حه‌ت نابن

ئیتر ژیان چ مانایه‌كی‌ هه‌یه‌

كه‌ هه‌مو كاتێك هه‌ناسه‌ سارده‌كه‌ی‌ تۆ و فرمێسكه‌ وبۆنی‌ جه‌سته‌ی‌ سوتاوی‌ تۆم بۆ بێت

ئیتر چۆن ئه‌تووانم بۆن به‌ گوڵی‌ به‌هاره‌وه‌ بكه‌م

ئارام

عکس این دو پرنده در کشور اکراین گرفته شده است. میلیون ها نفر در کشور آمریکا و اروپا با دیدن این عکس ها گریه کرده اند. عکاس این عکس ها آنها را به بالاترین قیمت ممکن به روزنامه های فرانسه فروخته است و تمام نسخه های روزنامه در روز انتشار این عکس بطور کامل فروخته شده است.

در تصویر اول پرنده زخمی روی زمین افتاده و منتظر جفت خود می باشد

 

در تصویر سوم پرنده مجددا برای جفت خود غذا می آورد اما متوجه بی حرکت بودن وی می شود لذا شوکه شده و سعی می کند او را حرکت دهد

ئه‌مرۆ دیسان خۆر هه ڵات.

ئایا ئه‌مڕو  ڕۆژێكی‌ تازه‌یه‌ ؟

یان هه‌مان ڕۆژی‌ پێشومانه.‌

كه‌ به‌ نرخی‌ رۆژێكی‌ تازه‌تر پێمان ده‌فرۆشن،

چه‌ند فێڵێكی‌ جوان له‌ خۆمان ده‌كه‌ین كه‌ شه‌و دادێت

چاوه‌ڕوانی‌ ڕۆژێكی‌ تازه‌تر ده‌كه‌ین

چه‌نده‌ به‌ سانایی‌ ژیانمان لێ‌ ده‌كڕن به‌ بیانوی‌ ئه‌وه‌ی‌

ڕۆژێكی‌ تازه‌ ترمان پێشكه‌ش بكه‌ن.

كاتێك ژیان بیست و چوار كاتژمێره‌.

ئیتر بۆ هه‌وڵ نه‌ده‌ین ئازاد بژین.

ئیتر چاوه‌ڕوانی‌ چ وه‌رزێكی‌ تر بكه‌ین..

بۆیه‌ ئه‌م هه‌وێ‌ ئه‌مڕو ئازاد بژیم

ئارام